Савол: Куни кеча, Зангиота туманида профилактика инспекторининг фаолиятини Фейсбукда тўғридан-тўғри эфирга узатган блогер Отажоновни 10 суткага қамаб қўйишганлиги хақида хабар тарқалди. Қачонгача блогерларни қийнайсизлар. Отабек Сатторий сизларга камми? Ахир блогерлар фуқароларнинг муаммоларини кўтаришмоқда, очиқлик қани?
Аҳолидан тушган ушбу саволга АОКАда ўтказилган брифингда Ички ишлар вазирлиги ахборот хизмати раҳбари Шохруҳ Ғиёсов қуйидагича жавоб қайтарди:
" – 21 апрель куни блогер Отажоновга Зангиота туманинг «Сарбозор» МФЙ профилактика инспекторининг қонуний талабларини бажармаганлиги ва хизмат бурчини бажаришга қаршилик кўрсатгани учун қонуний чора кўрилган. Блогер ўз қилмишидан пушаймон бўлган.
ИИО ходимларини хизмат вазифасини бажараётган чоғида тасвирга олиш, тасвирни ижтимоий тармоқларга жойлаш ҳам тақиқланмаган. Фақатгина тасвирга олиш жараёнида ходимнинг ишига халақит бермаслик, жамоат тартибини бузмаслик, ҳуқуқбузарлик содир бўлган жойни тарк этиш бўйича талабларини бажаришингиз шарт бўлади", – деди Шохруҳ Ғиёсов.
