Кеча мазкур фуқароларнинг дастлабки гуруҳи Тошкент халқаро аэропортидан чартер рейс орқали Корея Республикасида вақтинчалик меҳнат фаолиятини амалга ошириш учун жўнаб кетгани ҳақида хабар берилган эди. Бугун, 29 апрель Тошкент-Инчон йўналишидаги чартер рейси орқали 63 нафар фуқароларимиз Кореяга етиб борди.
Маълум қилинишича, фуқароларни Корея Республикаси Адлия вазирлиги, Янггу округи администрацияси ва Агентликнинг Квангжу шаҳридаги ваколатхонаси ходимлари кутиб олиб, аэропортдаги белгиланган қатъий тартибдаги текширувлардан ўтишда амалий ёрдам кўрсатган. Юртдошларимиз 14 кунлик мажбурий карантинда сақланади.
