Ўзбекистон халқ артисти, Ўзбекистонда хизмат кўрсатган санъат арбоби, атоқли кинорежиссёр ва сценарист Комил Ёрматов 1903 йил 2 май куни Тожикистонда таваллуд топган. 1931 йили С.Герасимов номидаги Бутунроссия кинематография институтини тамомлаган. 1941 йилдан “Ўзбекфильм” киностудиясида бадиий раҳбар сифатида ишлай бошлаган.
Комил Ёрматов ижоди давомида “Муҳожир”, “Алишер Навоий”, “Абу Али ибн Сино”, “Опа-сингил Раҳмоновалар”, “Икки дил достони”, “Осиё устидаги бўрон”, “Нодирабегим”, “Пахтаой” каби фильмларни суратга олган. 1978 йилда Тошкентда вафот этган.
Бугун атоқли кинорежиссёр ва сценарист Комил Ёрматов таваллудига 118 йил тўлди.
