Юнусобод тумани ҳокими коронавирусга чалинди

Бу ҳақда ҳокимлик Ахборот хизмати маълум қилди. 

"Юнусобод туман ҳокими Жахонгир Ибрахимовда Covid-19 аниқланганлиги боис, ҳафтанинг ҳар жума куни фуқаролар учун ташкил этиладиган сайёр қабулни маълум муддат туман ҳокимининг биринчи ўринбосари Aмир Мухитдинов ўтказади", дейилади расмий телеграм каналидаги хабарда. 

Эслатиб ўтамиз, айни пайтда Қашқадарё вилояти ҳокими Зойир Мирзаев коронавирус билан касалланиб, даволанмоқда.