Уларнинг 63 фоизи ZF-UZ-VAС2001, 35,5 фоизи «Ковишилд» ва яна 2,5 фоизи «Спутник V» вакцинасини қабул қилган. Бу ҳақда АОКАда ўтказилган матбуот анжуманида иштирок этган darakchi.uz мухбири хабар берди.
Санитария-эпидемиолик осойишталик ва жамоат саломатлиги хизмати бошлиғи ўринбосари Ботир Қурбонов маълум қилишича, март ва апрель ойларида Ўзбекистон Хитойнинг “Ayhui Zhifei Longcom Biopharmaceutical” Co. Ltd. компанияси томонидан мамлакатимиз олимлари билан ҳамкорликда ишлаб чиқилган ZF-UZ-VAС2001 вакцинасидан икки миллион доза харид қилинди.
COVAX дастури асосида Ҳиндистон давлатида ишлаб чиқарилган 660 000 (олти юз олтмиш минг) доза “Ковишилд” вакцинаси республикамизга 2021 йилнинг март ойида етказиб берилган.
Шу билан бирга, Н.Ф.Гамалея номидаги эпидемиология ва микробиология Миллий тадқиқот маркази томонидан ишлаб чиқилган “Спутник V” вакцинасини тўғридан-тўғри ишлаб чиқарувчидан умумий миқдори 500 000 та доза (икки компонентли) харид қилиш бўйича шартнома имзоланган ва шундан мамлакатимизга 50 000 та доза етказиб берилган.
Бугунги кунгача Ўзбекистонда 1 миллион 5910 нафар шахс ZF-UZ-VAС2001, “Ковишилд” ва “Спутник V” вакциналари билан ихтиёрий равишда эмланган.
