Россия Федерациясининг Томск шаҳрида Федерал хизмат ходими томонидан Ўзбекистон фуқаросининг ҳуқуқи бузилиб, унга нисбатан куч ишлатгани юзасидан ваколатли идораларга мурожаат қилингани хабар қилинган эди.
Айни вақтда Ташқи меҳнат миграцияси агентлиги хабарига кўра, Россия Федерацияси Тергов қўмитасининг Томск вилояти Тергов органлари томонидан РФ ЖКнинг 286-моддаси 3-қисми "а" бандида кўзда тутилган (Куч ишлатиш ёки ундан фойдаланиш таҳдиди билан мансаб ваколатларини ошириш) жиноятларни содир этганликда гумон қилиниб, полиция ходимига нисбатан жиноий иш қўзғатилган.
