Бугун “Ёшлар ижод саройи”да ЎзЭОАВМА ташаббуси билан бир қатор давлат, жамоат ва халқаро ташкилотлар ҳамкорлигида 3 май куни иш бошлаган “Янги Ўзбекистон. Янги нигоҳ” медиа-ҳафталиги ўз ишин якунлайди.
Кун давомида “Ёшлар ижод саройи”да медиа-ҳафталикка жалб қилинган ёш журналистлар, шу йўналишда таҳсил оллаётган йигит қизлар медиа-экспертларнинг маҳорат дарсларида эришган натижаларига қараб сараланади. Германиялик медиа-эксперт Рене Фалькнер, россиялик тележурналист Борис Мақсудов, ўзбекистонлик таниқли телебошловчилар Бахтиёр Тўрахонов, Амирхон Умаров, телеоператор Ботир Бозорбоев, монтажчи Камилла Юсупова, СММ ва пиар бўйича мутахассис Жалолиддин Мирзаев гуруҳларидан энг иқтидорли қатнашчилар танлаб олинади. Улар ЎзЭОАВМАга аъзо телерадиоканалларда шартнома асосида ўз фаолиятларини давом эттиришлари мумкин.
Шунингдек, бугун Германиянинг Ўзбекистондаги Гёте институти билан ҳамкорликда ташкил қилинган “Шум бола2021” фестивали доирасида немис киноижодкорлари томонидан тайёрланган “Оскар ва Лилли”, ёш ўзбек киноусталари яратган “Астма”, “Баҳс”, “Эртага баҳор”, “Кичкина катта одам”, “Устоз” сингари қисқа метражли фильмлар томошабинлар эътиборига ҳавола этилади.
7 май куни кечки пайт “Янги Ўзбекистон. Янги нигоҳ” медиа-ҳафталигининг тантанали ёпилиш маросими бўлиб ўтади. Ундан ёш журналистлар учун кутилмаган янгиликлар ўрин олган.
