Ўзбек халқи азал-азалдан ёши улуғларни эъзозлаб, уларга муносиб ҳурмат ва эҳтиром кўрсатишга алоҳида эътибор қаратган. Юртимизда нишонланадиган ҳар бир байрамлар қатори 9 май —“Хотира ва қадрлаш куни” муносабати билан ҳам бу анъана давом эттирилади. Зеро, инсон хотира билан тирик, қадр билан барҳаёт.
Байрам арафасида жиноят ишлари бўйича Яшнобод туман суди судьялари Қ. Мирсафаев, Ф. Эргашев одил судловни самарали ташкил этган, узоқ йиллар суд тизимида ишлаган уч нафар фахрий судьянинг хонадонида бўлишди.
70 ёшли Шоира Сулаймонова ва 66 ёшли Раҳимжон Алиев ҳозирда адвокатлик фаолияти билан шуғулланади, 72 ёшли Мухтарамхон Турсунова эса нафақада.
Шогирдлар эътиборидан суд тизими фахрийлари бениҳоя хурсанд бўлишди.
