Кинематография агентлиги буюртмасига биноан “Ҳужжатли ва хроникал фильмлар студияси” ДУК томонидан Ўзбекистон халқ шоири Александр Файнберг ҳақида ҳужжатли фильм суратга олинади.
Мазкур фильм шоирнинг ҳаёти ва ижодига бағишланади. Ўзбекистон Республикаси Пезидентининг ташаббуси билан суратга олинаётган Адиблар хиёбонида ҳайкаллари ўрнатилган атоқли ўзбек шоир ва ёзувчилари ҳақидаги "Халқ юраги" туркум фильмларидан бири.
Режиссёр Александр Гамиров, сценарий муаллифи Гўзал Пиржонова, оператор Темур Абдуллаев, иккинчи режиссёр Гулнора Абдураҳимова, картина директори Анастасия Хаванская, режиссёр ассистентлари Сирожиддин Раупов, Ержанбай Курбаниязов.
Ҳозирда фильмни суратга олиш учун тайёргарлик жараёнлари бошланган. Ижодий жамоа локациялар билан танишиб, сюжет ва интервью эпизодлари учун режиссёрлик сценарийлари устида иш олиб бормоқда.
