Ўзбекистон-Франция ҳукуматлараро комиссиясининг савдо-иқтисодий ҳамкорлик бўйича (ИГК) VIII йиғилиши ўтказилди.
Учрашув доирасида “MEDEF International” француз тадбиркорлари ҳаракати билан биргаликда ташкил этилган ўзбек-француз бизнес-форуми бўлиб ўтди. Унда “Airbus”, “Poma”, “Mnd”, “Keran”, “Compagnie des Alpes” каби йирик француз компанияларининг 15 дан ортиқ вакиллари иштирок этди.
Шунингдек, Франция Ғазначилиги билан Франциянинг “Geode-Manie Lives-Compagnie des” компаниялари консорциуми томонидан амалга оширилган “Beldirsoy-Chimyon-Nanay” “Alp-Patriarx MVK” қурилиш лойиҳасини амалга ошириш учун 47,9 миллион евро миқдорида кредит жалб қилиш тўғрисидаги шартномаси имзоланди.
Шу билан бирга, алкогол ва тамаки бозорини тартибга солиш агентлиги билан ҳамкорликда Ингевин компаниялари консорциуми билан виночиликни ривожлантириш ва Aдекват Восток француз “chateau” тамойилига асосланган инновацион патентланган “EODE” концепциясида шароб кластери учун техник-иқтисодий асосни ишлаб чиқишга доир меморандум имзоланди.
Шунингдек, “Белдирсой-Чимён-Нанай” халқаро мавсумий дам олиш масканини ташкил этишга доир лойиҳани молиялаштириш тўғрисидаги протокол имзоланди. Мазкур дам олиш масканининг концепцияси ва иқтисодий модели француз “Orex Loisirs”, “Compagnie des Alpes”, “Geode”, “Egis”, “Epode” вa “Patriarch” компаниялари консорциуми томонидан ишлаб чиқилган.
Ушбу лойиҳанинг умумий қиймати 480 миллион долларни ташкил этиб, лойиҳа доирасида туризм инфратузилмасини ривожлантириш, жумладан осма кўприклар ва чанғи йўлларини қуриш режалаштирилган. Келгусида туризм масканлари ҳудудида туя, эчки ва асаларичиликни ривожлантириш асосида қўшимча хизмат турларини ҳам ташкил этиш назарда тутилган бўлиб, бунда икки томонлама ҳамкорликни мустаҳкамлаш учун ўзаро яқин алоқаларни ўрнатиш тўғрисида келишувга эришилди.
