2021 йил 17 май куни соат 10:00да Сурхондарё вилояти Термиз шаҳар С.Термизий кўчасида жойлашган 6-умумтаълим мактабида ёнғин содир бўлди.
ФВВ ахборот хизмати маълум қилишича, ҳодиса жойига Термиз шаҳар Фавқулодда вазиятлар бўлимининг 6 та ёнғин-қутқарув гуруҳлари соат 10:05да етиб боришиб, соат 10:15да ёнғин қуршаб олинган ва соат 10:40да тўлиқ бартараф этилган.
Ёнғин натижасида бино 2-қаватининг тахминан 120 кв.м майдонда ички ва том қисми ёниб зараланган.
"Севимли" телеканалининг "Замон" дастурида маълум қилинишича, ёнғиннинг келиб чиқиш сабаби ва зарар миқдори аниқланмоқда. Ёнғин оқибатида тан жарохат олганлар йўқ. Ёнғин пайтида Фавқулодда фазиятлар вазирлиги ходимлари томонидан мактаб ичидаги 232 нафар ўқувчи эвакуация қилинган.
