"Севимли" телеканалининг "Замон" дастури мухбири 5 кун ичида Ўзбекистоннинг турли ҳудудларида содир бўлган автоҳалокатлар ҳақида хабар бериб, ҳайдовчиларни огоҳликка чақирди.
Жорий йилнинг 8 май куни Қашқадарё вилояти Касби туманида ҳаракат қоидаларини қўпол равишда бузиб, катта тезликда келаётган "Ваз 2101" йўлнинг қарама қарши томонидан келаётган "Nexia" билан тўқнашди. Натижада 7 киши ҳаётидан кўз юмди. Уларнинг орасида 1 ва 4 ёшли болалар ҳам бор. Автоҳалокат сабабчиси эса тирик қолган. У кўзида ёш билан қилган ишидан пушаймон эканлигини айтмоқда. Аммо энди унинг ҳеч кимга фойдаси йўқ.
10 май куни Фарғона вилояти Ёзёвон туманида ҳаракатланиб келаётган "Cobalt" қарама қарши томонидан келаётган "Cobalt" автомашинаси билан тўқнашган. 6 нафар инсон умрига зомин бўлган бу ҳалокатга ҳайдовчиларнинг шошмашошарликлари сабаб бўлган. Мутахассислар ушбу йўл ўртасига бетон тўсиқларнинг қўйилмаганлиги ҳам ушбу бахтсиз ҳодисага бир омил бўлганлигини айтишмоқда.
11 май куни Амударё ҳудудидан ўтувчи "Ғузор-Бухоро-Нукус-Денов" йўлида "Cobalt", "Nexia", "Damas" тўқнашиб кетган. Натижада 6 киши вафот этган. Ҳалок бўлганларнинг 4 нафари аёллар бўлган.
