Аввал хабар берганимиздек, кеча Ўзбекистоннинг қатор ҳудудларида, жумладан, Тошкент шаҳрида ҳам кучли шамол кузатилди. Шамолнинг пойтахтга келтирган айрим талофатлари акс этган фото ва видео тасвирлар ижтимоий тармоқларда тарқалди.
Пойтахтда эсган шамол нафақат кекса дарахтларни қулатиб қолмай, ўтган йили Тошкентда ишга туширилган ерусти метро бекатларидан бирининг том қисмига ҳам зарар етказди. Буни ижтимоий тармоқларга жойлаштирилган видеоларда кўриш мумкин. Видеода томдан ўпирилиб тушган қопламаларни тераётган махсус хизмат ходимларини кўриш мумкин.
