Тунда Ургут деҳқон бозорида катта ёнғин содир бўлди (видео)

Ижтимоий тармоқларда Ургут деҳқон бозорида ёнғин содир бўлганлиги акс этган видеолавҳа тарқалди.

Ҳолат юзасидан Самарқанд вилояти ИИБ Ахборот хизмати дастлабки маълумотларни тақдим этди. Маълум бўлишича, 24 май куни соат 23:05 лар атрофида, Ургут деҳқон бозорига яқин ҳудуддаги савдо дўконларида ёнғин юзага келган.  

Ҳодиса жойига зудлик билан туман ФВБ ва ИИБ ходимлари чиқиб, ёнғин соат 00:30 ларда тўлиқ бартараф этилган.

Ҳодиса сабаблари юзасидан қўшимча маълумот берилади.