Ички ишлар вазирлиги Ҳуқуқбузарликлар профилактикаси бош бошқармаси бошлиғи ўринбосари Умида Абдуллаеванинг маълум қилишича, "Хотин-қизларни тазйиқ ва зўравонликдан ҳимоя қилиш тўғрисида”ги Қонуннинг 30-моддасида кўрсатилганидек, тазйиқ ва зўравонликдан жабрланувчига ёрдам кўрсатган шахсларга маълум бўлиб қолган барча шахсга доир маълумотлар шахсга доир маълумотлар тўғрисидаги қонун ҳужжатлари билан қўриқланади.
Зўравонликдан жабр кўрганлар учун Ички ишлар органларида “102” ,“1102” , Маҳалла ва оилани қўллаб-қувватлаш вазирлиги тизимида “1146” қисқа рақами, “Не молчи”, “Зўравонликка йўл йўқ” телеграм каналлар ва шу каби бир қатор зўравонлик ҳолатлари юзасидан хабар берилиши мумкин бўлган телефон рақамлар ва ижтимоий тармоқлар мавжуд.
