Португалия терма жамоаси ҳужумчиси Криштиану Роналду Венгрияга қарши Евро-2020 ўйинидан олдин ўтказилган матбуот анжуманида Cоcа-Cоlа бутилкалари столга қўйилганидан норози бўлди.
Футболчи матбуот анжуманида ўзи учун тайёрланган столга қўйилган Coca-Cola ичимлигини суриб қўйди ва фақат сувни қолдирди. У стол устига қўйилган Coca-Cola ичимлигини кўрганидан норозилигини билдирди ва жамоатчиликка қарата "Сув ичинг!" дея таъкидлади.
Матбуот анжуманидан сўнг, Роналдунинг шу сўзлари сабаб "Cоcа-Cоlа"нинг акциялари тушиб кетди.
Роналду ҳеч қачон Coca-Cola ва Pepsi-ни реклама қилмаган. Бир пайтлар Pepsi унинг фотосуратидан фойдаланган, аммо шундан сўнг компания футболчидан кечирим сўраган.
Шунингдек, Роналду ўғлининг Coca-Cola ичиши ва чипс истеъмол қилиши уни безовта қилишини айтган. Спортчи бу маҳсулотлар инсон организмига зарарли эканлигини таъкидлаган. Роналдунинг ўзи газли ичимликларни истеъмол қилмайди.
Қўшимча равишда, Coca-Cola УЕФA ва Евро-2020 мусобақаларининг расмий ҳомийси ҳисобланади.
Рисолат МАХСИМОВА тайёрлади
