Миннеаполис полициясининг собиқ ходими Дерек Шовин Жорж Флойдни ўлдирганлиги учун 22,5 йилга озодликдан маҳрум қилинди. Бу ҳақда Global news Ахборот портали маълум қилди.
Эслатиб ўтамиз, полициячи Шовиннинг тиззаси остидан ўлган Флойд AҚШ тарихида ирқий адолатсизликка қарши энг катта норозиликни келтириб чиқарди. Бу кураш нафақат АҚШда балки бутун дунё миқёсида ёйилди.
Прокуратура Дерек Шовин учун 30 йиллик қамоқ жазосини тайинлашни сўради - аммо бу жазо муддати тасдиқланмади.
45 ёшли полициячи Шовин қамоқда яхши хулқ-атворни сақлай олса, жазосининг учдан икки қисмини ўтагандан кейин ёки тахминан 15 йил ўтаб бўлганидан кейин озод қилиниши мумкин.
Судя Питер Кейхилл жазони тайинлашда, Флойдга кўрсатилган жазонинг сабаби сифатида "унинг ишонч ва ваколат мавқеини суиистеъмол қилгани, шунингдек алоҳида шафқацизлигини" кўрсатди
Судянинг ҳукмидан сўнг, Флойднинг баъзи оила аъзолари бу ҳукм етарли эмаслигини ва улар кўпроқ муддатли жазони кўришни хоҳлашларини билдирди.
Шовин қамоққа қайтарилди.
Маълумот учун, Дерек Шовин иккинчи даражали қасддан қотиллик, учинчи даражали қотиллик ва иккинчи даражали одам ўлдиришда айбланди.
У 46 ёшли қора танли Флойднинг бўйнига тиззасини 9,5 дақиқагача босганлиги сабабли 2020 йил 25-майида одам ўлимига сабаб бўлганди.
Рисолат МАХСИМОВА тайёрлади
