Кеча, 4 июль куни футбол бўйича Ўзбекистон Суперлигасининг 12-туридан ўрин олган сўнгги уч ўйин бўлиб ўтди.
"Пахтакор" ўз майдонида "Локомотив" билан баҳслашди ва 2:1 ҳисобида ғалаба қозонди.
Шунингдек, "Сурхон" ва "Бунёдкор" жамоалари ўртасида ҳам ўйин бўлиб ўтди. "Сурхон" йирик 1:5 ҳисобда мағлубиятга учради.
1:0 ҳисобда қаршиликлар ғалабаси билан якунланган "Насаф"-"Сўғдиёна" ўйинида эса оммавий жанжал содир бўлди. Аслида иккинчи бўлимга қўшиб берилган вақтда жиззахликлар ҳисобни тенглаштирган эди, бироқ ҳакам голни бекор қилди. Учрашув охирлашиб қолгач, "Сўғдиёна" ўйинчиси “Насаф” футболчисига нисбатан қўпол ҳаракат қилди. Натижада ўртада оммавий жанжал юзага келди. Ҳакам уч нафар футболчига қизил карточка кўрсатди. Шундай қилиб бу "Сўғдиёна"нинг мавсумдаги илк мағлубияти бўлди.
Эслатиб ўтамиз, Футбол бўйича Ўзбекистон чемпионатининг нуфузи жиҳатдан иккинчи лигаси — Про лиганинг ҳал қилувчи Суперлига йўлланмасини берувчи сўнгги тур учрашувида "Нефтчи"-"Турон" ўйинида ҳам катта жанжал юзага келган эди.
