Тошкент метрополитенида 7 июль куни шаҳар электр таъминоти тизимидаги узилиш сабаб носозлик юзага келди.
Маълум бўлишича, соат 12:55 ва 13:05 оралиғида шаҳар электр таъминоти тизимида носозлик юзага келган. Бунинг оқибатида Чилонзор , Юнусобод , Ўзбекистон йўлларида бекатларни ёритувчи ускуналар ишламаган.
Шунингдек, мазкур ҳолат сабаб эскалаторлар тўхтаб, поездлар ҳаракати давом эттирилган. Шу билан бирга, «Тошкент метрополитени» УК ноқулайликлар учун узр сўраган.