Россия Федерациясининг Калининград вилоятида патент асосида вақтинчалик меҳнат фаолиятини амалга оширувчи чет эл фуқароларига нон, қандолат маҳсулотлари ва болалар овқатини ишлаб чиқариш каби соҳаларда ҳамда жамоат транспортида ҳайдовчи ва ўқитувчи бўлиб ишлаш тақиқланади. Бу ҳақда Ташқи меҳнат миграцияси агентлиги матбуот хизмати хабар берди.
Маълум қилинишича, Калининград вилояти губернатори Aнтон Aлиханов томонидан 2021 йил 23 июнь куни имзоланган мазкур фармон уч ойдан сўнг кучга киради ва бир йил давомида амал қилади.
