Аввалроқ, "Ўзгидромет" юртимизда кузатиладиган чангли бўрон ҳақида огоҳлантиргани ҳақида хабар берган эдик.
Хабарда 7 июлда Қорақалпоғистонда, 8-10 июль кунлари республиканинг барча ҳудудларида баъзи жойларда шамол тезлиги 15-20 м/с гача кучайиши. Баъзи жойларда эса чангли бўрон билан 25-30 м/с гача етиши айтилганди.
Шу муносабат билан Фавқулодда вазиятлар вазирлиги фуқаролардан кучли шамол кузатилганда кўчада ҳаракатланмаслик, автомобилларни дарахтлар ва бошқа турли мустаҳкам бўлмаган конструкциялардан узоқроқ, хавфсиз жойга қўйишни сўрамоқда.
"Ўзингиз ва мулкингизни бахтсиз ҳодисалардан асранг",– дейилади ФВВ ахборотида.
