Кеча, 8 июль куни қирғиз-тожик чегарасидаги отишмада ўлдирилганлар ҳақида Қирғизистон Миллий хавфсизлик давлат қўмитаси Чегара хизмати қўшимча маълумотларни очиқлади. Тожикистон ҳарбийлари томонидан Қирғизистоннинг чегарачисига қилинган қуролли ҳужум натижасида 27 ёшли отлиқ сержант Хуснидин Хожиев вафот этди.
"Дастлабки маълумотларга кўра, тожикистонликлардан ўлганлар ва ярадорлар бор", дея таъкидлади чегара бўлими, қурбонлар сони ҳозирча маълум қилинмаган.
Бугун, 9 июль куни воқеа содир бўлган жойда Қирғизистон Республикаси Миллий хавфсизлик давлат қўмитасининг Боткент вилояти бўйича Чегара хизматининг бошлиғи полковник Тўлонбоев ва хавфсизлик идоралари раҳбарлари ўрганиш олиб борди. Икки мамлакат чегара вакиллари ҳолат юз берган ҳудудда иш олиб бормоқда.
Эслатиб ўтамиз, Қирғизистон томонининг хабар беришича, 8 июль куни кечқурун Чашмагилдан довони ҳудудида қирғизистонлик ҳарбийлар тожикистонлик чегарачилар томонидан тўсатдан ҳужумга учраган. Отишмалар натижасида 1 нафар Қирғизистон фуқароси ҳалок бўлган.
