Мустақилликнинг 30 йиллиги арафасида “AFROSIYOB” юқори тезликда ҳаракатланувчи электропоездлари сони яна кўпаяди. Бу ҳақда Транспорт вазирлигининг Матбуот хизмати маълум қилди.
30 июнь куни Испаниянинг Бильбао портидан “AFROSIYOB” поезди, яъни 2 та локомотив ва 11 та вагони, шунингдек, алоҳида яна 4 та вагон ортилган кема Россиянинг Санкт Петербург портига етиб келди.
Айни кунда “Ўзбекистон темир йўллари” АЖ мутахассислари россиялик ҳамкасблари билан ҳамкорликда мазкур замонавий поездни рельсга қўйиб Ўзбекистонга олиб келишга ҳозирлашмоқда.
