“Навқирон журналистлар-2021” медиа оромгоҳида машғулотлар қизғин. Бу ҳақда Ўзбекистон Электрон оммавий ахборот воситалари миллий ассотсациясининг Ахборот хизмати маълум қилди.
Электрон оммавий ахборот воситалари миллий ассотсацияси Ёшлар ишлари агентлиги, Олий Мажлис ҳузуридаги Парламент комиссияси ҳамда “Менинг юртим” телеканали билан ҳамкорликда 12-июль куни “Ёшлар мултимедиа студиялари” лойиҳаси асосида Бўстонлиқ туманидаги ёшлар оромгоҳида “Навқирон журналистлар” медиа-оромгоҳи иш бошлаганди.
Ҳозирда “Навқирон журналистлар-2021” медиа оромгоҳи ўз фаолиятини қизғин давом эттирмоқда. 12-19 июль кунлари иш олиб борадиган бу медиа-оромгоҳда ёшлар сўлим табиат қучоғида ҳордиқ чиқариб, амалий ва назарий кўникмаларини ривожлантирмоқдалар, бугунги кунда сайтлар фаолиятини ташкил қилиш ва кенгайтириш, медиа олам ҳақида кўп маълумотларга эга бўлаяптилар.
