Маълумки, Адлия вазирлигининг юридик техникумларига қабул Давлат тест маркази томонидан амалга оширилади. Аммо ҳозирги вақтда тест режимида ишлаётан сайт билан боғлиқ муаммоли вазият юзага келган. Мазкур масала юзасидан ДТМ изоҳ берди.
Хабарларга кўра, жорий йилда Адлия вазирлигининг юридик техникумларига талабгорларни онлайн рўйхатга олиш 2021 йил 1 августдан бошланади. Шу сабабли Давлат тест маркази томонидан талабгорларни онлайн рўйхатга олиш тизимини тайёр ҳолга келтириш учун texnikum.dtm.uz сайти тест режимида ишга туширилиб, синовдан ўтказилмоқда.
Сайт тест режимида синовдан ўтказилаётган вақтда айрим фуқаролар texnikum.dtm.uz сайти орқали рўйхатдан ўтишга ҳаракат қилган ва уларга тасдиқловчи код ўрнига 5100 рақамидан «ДКнинг 6-сонли баёни билан талабаликка тавсия этилдингиз» мазмунидаги СМС хабар юборилган.
Қайд этилишича, мазкур СМС хабар матни 2020 йилда фойдаланилган бўлиб, сайтни синовдан ўтказиш учун турли хабарлар юбориб, текшириб кўрилаётган пайтда ҳам фойдаланилган .
