Оксана Чусовитина — гимнастика тарихида саккизта ёзги Олимпиада ўйинларида иштирок этган спортчи (1992, 1996, 2000, 2004, 2008, 2012, 2016 ва 2021 йилларда). 2019 йил сентябрь ойида Оксана Париж шаҳрида ўтказилган FIG World Challenge Cup кубогида олтин медаль олганида 44 ёшда эди.
Ўшанда Чусовитина Токио Олимпиадасидан сўнг ўз карьерасини тугатишини маълум қилганди. “Бу менинг ҳаётимдаги сўнгги Олимпиада бўлиб қолади, мен катта спортдан кетаман, фаол атлет сифатидаги фаолиятимга нуқта қўяман” – деган эди Чусовитина, У 2019 йилдаёқ бундан буён Ўзбекистонда болалар ва ўсмирлар спорти ривожига ўз ҳаётини бахшида этишини айтиб ўтганди.
2021 йил 25 июлда ана шу фурсат етиб келди. Ўзбек гимнастикачиси таянч сакраш бўйича 16 нафар иштирокчи орасида 11-ўринни эгаллаб, 14,166 балл тўплаган. Ўз чиқиши сўнгида спортчи қўлини қўксига қўйиб, унга мухлислик қилган барча-барчага самимий миннатдорлик билдирган.
Юлдузлар қандай хайрлашадилар?
Оксана Чусовитина ҳамда ўз ҳаёти давомида 9 бор олимпиадада иштирок этаётган грузиялик мерган аёл – Нино Салуквадзе ҳақида сўз юритаркан, уларни оммабоп спорт сайтларидан бирининг шарҳловчиси “дунё саҳнасини салкам 30 йил аввал тарк этган давлат терма жамоасининг “акс-садоси” деб атаган эди.
Грузин спортчиси ўтган якшанба куни 10 метрлик масофадан туриб, пневматик тўппончадан ўқ отиш бўйича малака баҳсларида иштирок этаркан, дунё тарихида тўққизда олимпиада иштирок этган аёл мақомини эгаллади.
Қолаверса, 52 ёшли Салуквадзе кўриш қобилиятида муаммолар юзага келгани, шу боис ўринчи юбилей Олимпиада қатнаша олмаслигини билдирган.
“Токиодан сўнг карьерамни тугатаман. Чунки энди қийин. Руҳан, жисмонан, техник жиҳатдан тайёрман, аммо кўзларим олдингидек ўткир эмас. Корпусни тутиб туролмайман, операция қилдирдим, ҳозир чап кўзим билан нишонга оляпман. Тиғ остида ҳам ётиб чиқдим. Кундалик ҳаётим учун кераги бўлмаса ҳам, ўқ отиш учун операция таклиф қилишди. Аслида кўришим ёмонмас. Лекин, бир йилдан бери чап кўзим билан нишонга оляпман. Мен учун қийин!” – деди Нино РИА Новости мухбирига берган интервьюсида.
Олимпия баҳсларининг ниҳояси ҳар қанақасига карьерани тугатиш учун энг қулай футсат.
Минорадан синхрон сакраш бўйича Олимпиада бронза медали соҳиби Виктор Минибаев Токио-2020 ўйинларидан сўнг спортдаги фаолиятини якунлашни маълум қилган эди.
2016 йилда бутун дунё спорт мухислари Риода ўтган Олимпиадада кутилмаган матбуот анжуманида спортдан кетишини маълум қилган машҳур америкалик ғаввос Майкл Фелпс билан хайрлашишган эди.
«Мен бассейнга кирганимда, ҳаммаси учун ҳисоб-китоб қилишим кераклигини тушундим. Охирги марта машғулотларни бажараётганимни, сузиш кийимини кийганимни ва минглаб мухлисларим қаршисида турганимни тушундим” деди спорт тарихида ягона – 23 карра олимпиада чемпиони. У тўққизта олтин медални эстафеталар асносида қўлга киритган. Америкалик ушбу спортчининг ҳисобида жами Олимпия ўйинларининг 27 та медали бор. У Олимпиада ўйинларида 2000, 2004, 2008, 2012 йилларда иштирок этган.
Бир неча йил йил илгари Сочида ўтказилган қишки Олимпиада италиялик чанғичи, Олимпиада ўйинларида иккита олтин, битта кумуш, учта бронза жами олтита медални қўлга киритган Армин Цоггелер ўз мухлислари билан хайрлашган эди.
«Ўйлайманки, бу менинг сўнгги баҳсим. Бугун карьерамни тамомлаш учун ажойиб фурсат” деган эди 40 ёшли Цоггелер. У Сочида яккалик баҳсларида кумуш медални қўлга киритган эди. Шунингдек, “Лиллехаммер-1994” ва “Ванкувер-2010”да бронза, “Нагано-1998,”да кумуш, “Солт-Лейк-Сити-2002” ва “Турин-2006”да мутлоқ чемпион бўлган.
2014 йилда россиялик фигурист, айни пайтда мураббийлик қилаётган — Евгений Плющенко ҳам катта спорт билан хайрлашганини маълум қилди: у 2002 йилги Олимпиадада кумуш медални қўлга киритган бўлса, 2006 йилда чемпион бўлган, 2010 йилда яна олимпиада чемпиони бўлган, 2014 йилда гуруҳ баҳсларида олимпиада чемпиони шарафини қўлга киритган.
Сочи олимпиадасида Плюшенко Россиянинг ягона вакили сифатида иштирок этганди.
