Бу ҳақда Бош прокуратура ҳузуридаги Департамент хабар берди.
Бағдод туман бўлими томонидан ДХХнинг Фарғона вилояти бошқармаси билан ҳамкорликда ўтказилган тезкор тадбирдан маълум бўлишича, Қўқон педагогика институти талабаси З.А. фуқаро Қ.ни танишлари орқали Ўзбекистон давлат жисмоний тарбия ва спорт университети Фарғона филиалига ўқишга киритиб қўйишни ваъда қилиб, 5 000 АҚШ долларини олган вақтда қўлга олинади.
Унинг кўрсатувига асосан давом этган тадбирда, Қўқон педагогика институтнинг сиртқи бўлими бош мутахассиси Х.Б. талаба З.А. дан 5 000 АҚШ долларини олган вақтида ашёвий далиллар билан ушланган.
"Мазкур ҳолат юзасидан ҳозирда Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда." - дейилади хабарда.
