Марғилон шаҳар истеъмолчилар ҳуқуқларини ҳимоя қилиш жамияти томонидан Қиргули МФЙ ҳудудида яшовчи З.Усмоновнинг Ўзбекистон Республикаси Бош Прокуратурасининг ишонч телефонига мурожаати ўрганилган.
Бу ҳақда Марғилон шаҳар ИҲҲҚ жамияти мутахассиси Саидхон Хапизов хабар қилди.
Ундан маълум бўлишича, мурожаат эгасининг фарзанди 2021 йилнинг июнь ойида Марғилон шаҳрида жойлашган авиакассадан Қирғизистон Республикаси орқали Россия Федерациясига учиш учун 3 000 000 (уч миллион) сўмга авиачипта сотиб олган.
Бироқ кейинчалик узрли сабаб билан уча олмаслиги маълум бўлгач, авиакасса масъулларига ушбу масалада мурожаат қилиб, авиачипта пулини қайтарилишини сўраган.
Авиакомпания вакиллари эса унга ушбу ҳолатда авиачипта учун тўланган пулни тўлиқ эмас, балки унинг 400 000 (тўрт юз минг) сўминигина қайтара олишларини маълум қилганлар.
Мурожаат мутахассислар томонидан ўрганилиши жараёнида истеъмолчи ва авиакасса раҳбарининг мулоқоти таъминланган ҳамда уларга Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги ва “Жисмоний ва юридик шахсларнинг мурожаатлари тўғрисида”ги Қонунлари тушунтирилган.
Авиакасса раҳбарига юзага келган ҳолатда истеъмолчига авиачипта пули қайтарилиши лозимлиги ёки бунга муқобил вариант сифатида парвоз муддатини бошқа пайтга кўчириб бериш зарурлиги тушунтирилган.
Олиб борилган тушунтириш ва тарғибот ишлари натижаси билан ҳамда ҳар икки томоннинг розилиги асосида истеъмолчи чиптаси уч йил муддатгача фойдаланиш ҳуқуқи билан узайтирилиб берилган.
19.07.2022, 13:18
Ўзбекистонда авиачипталарни сотиб олиш янада осонлашди. Бу ҳақда Uzbekistan Airways матбуот хизмати хабар бермоқда. Маълум қилинишича, Uzbekistan Airways авиакомпанияси авиачипталарни қулай харид қилиш учун мобил иловани...
01.12.2021, 08:55
Бундан 4-5 йил аввал юртдошларимиз учун хорижий валюталарни эркин сотиб олиш ушалмас орзу эди. Республикамизда амалда 2 та давлат ва қора бозор валюта курслари муомалада...
18.10.2021, 17:38
Риштон тумани Узун кўча маҳалла фуқаролар йиғинида истиқомат қилувчи И.Султонов Ўзбекистон истеъмолчилар ҳуқуқларни ҳимоя қилиш жамиятлари Федерациясининг PotrebitelUz_bot телеграмм боти орқали мурожаат йўллаган. Бу ҳақда...
18.10.2021, 08:33
Тошкентда 28.000.000 эвазига фуқарога авиачипта олиб беришни ваъда қилган шахс ушланди. Бу ҳақда пойтахт ИИБ хабар берди.Қайд этилишича, 5-октябрь куни тахминан соат 11.00 да 31...
