Халқаро кимё олимпиадасида ўқувчиларимиз 4 та медални қўлга киритди(фото)

Халқаро кимё олимпиадасида ўқувчиларимиз 1 та олтин 3 та бронза медалини қўлга киритди. Бу ҳақда Халқ таълими вазирлигининг Матбуот хизмати маълум қилди.

25 июль – 2 август кунлари Япония давлати томонидан ташкил этилган 53-Халқаро кимё олимпиадасида (IChO) дунёнинг 65 давлатидан 260 нафар ўқувчилар қатнашди.  

Мазкур нуфузли халқаро олимпиадада ўзбекистонлик ўқувчилар ҳам муносиб иштирок этди.

Якуний натижаларга кўра, 1 та олтин ҳамда 3 та бронза медалларини қўлга киритишди.  

53-Халқаро кимё олимпиадасида (IChO) ғолиб бўлган ўқувчиларимиз:

1. Собиржон Aманов – Тошкент педиатрия тиббиёт институти академик лицейи ўқувчиси, олтин медаль;  
2. Фирдавс  Собиров - Бухоро шаҳар 35-умумтаълим мактаби ўқувчиси,  бронза медаль;
3. Дурдона Мухторхўжаева – Ибн Сино мактаб-интернати ўқувчиси, бронза медаль;
4. Икромиддин  Боймаҳаммадов – Ибн Сино мактаб-интернати ўқувчиси, бронза медаль;

Мазкур ғалаба билан ўқувчиларни, уларга тарбия ва билим берган ўқитувчиларини ҳамда ота-оналарини табриклаймиз!