Аввал хабар қилганимиздек, Токиода давом этаётган ХХХII ёзги Олимпия ўйинларининг 12-кунида ўзбекистонлик 6 нафар спортчи баҳсларга кириши белгиланган эди.
Айни пайтда Туризм ва спорт вазирлиги Ахборот хизматининг хабар қилишича, юнон-рум курашчимиз Рустам Aссакалов Токио-2020 ёзги Олимпия ўйинларини ғалаба билан бошлайди. У -87 кг вазн тоифасида иштирок этаётган полвонимизга грузиялик курашчи рақиблик қилди.
Бокс бўйича Рио-2016даги ғолибона юришимиз афсуски Токио рингларида давом этмаяпти. Ҳозиргина яна бир боксчимиз Элнур Aбдураимов ҳам мусобақа билан хайрлашди. У чорак финалда арманистонлик Ованнес Бачковга имкониятни бой берди.
Начора, энди ярим финалга йўл олган ягона вакилимиз Баҳодир Жалоловдан олтин медал кутамиз.
Дарвоқе, қизлар ўртасида Райхона Қодировага ҳам омад тилаймиз.
