ССВ матбуот хизмати 4 ойдан бери Ўзбекистонда амалга оширилаётган вакцинация жараёнлари ҳақида хабар берди. Хусусан, 31 июль ҳолатига кўра, эмлаш жараёнларида жами 7 681 748 доза вакцина қўлланилган.
Ўзбекистонда эмлаш тадбирларига жами 21,4 миллион нафардан ортиқ аҳоли жалб этилиши мўлжалланган бўлиб, апрель, май, июнь, июль ойлари давомида 1 211 019 нафар киши коронавирусга қарши тўлиқ эмланган.
Маълумот учун, шу пайтгача жами 12 миллион 580 минг 60 доза вакцина келтирилган.
Улардан:
- 370 минг дозаси "Спутник V",
- 710 минг дозаси AstraZeneca,
- 8,5 миллион дозаси ZF-UZ-VAC2001,
- 3 миллион 60 дозаси Moderna вакцинасидир.
