15 июл куни, Янгиқўрғон туманида яшовчи, 1989 йилда туғилган аёл ариза билан мурожаат қилиб, шу йил 15 июл куни, Наманган шаҳрида яшовчи, 1958 йилда туғилган фуқаро уни ишончига кириб, Наманган муҳандислик қурилиш институтининг “Кимёвий технология” йўналишининг магистратура бўлимига ўқишга киритиб қўйишни айтган. Ундан 2.000 AҚШ долларини фирибгарлик йўли билан олиб, алдаб келаётганлигини маълум қилиб, чора кўришни сўраган.
Наманган вилояти ИИБ Aхборот хизматининг хабар беришича, ушбу ҳолат бўйича Наманган шаҳар ИИО ФМБ ҳузуридаги ТБ томонидан 2021 йил 1 август куни Ўз.Р ЖКнинг 168-моддаси 1-қисми билан жиноят иши қўзғатилган.
