Қароргоҳи Хельсинки шаҳрида жойлашган Финляндиянинг Ўзбекистондаги элчиси Марья Лиивала билан хайрлашув учрашуви бўлиб ўтди. Бу ҳақда Ўзбекистон Президентининг матбуот котиби маълум қилди.
1 сентябрдан Лиивала хоним Финляндия Ташқи ишлар вазирлигининг Россия, Шарқий Европа ва Марказий Осиё мамлакатлари департаменти бош директори лавозимига киришмоқда.
Учрашувда элчи Лииваланинг дипломатик миссияси давомида икки томонлама ҳамкорликда юксак даражага эришилгани мамнуният билан қайд этилди ҳамда унинг келгуси фаолиятига муваффақиятлар тиланди.
