Бош прокуратура ҳузуридаги Департаментнинг хабарига кўра, Юнусобод туман бўлими томонидан ўтказилган тадбирда, фуқаро Ш.А. бошқа бир фуқаро билан олдиндан тил бириктириб, фуқаро Х.га Қозоғистон Республикаси университети иқтисодиёт факультетининг 1-босқичини тугатганлиги тўғрисида қалбаки ҳужжат тайёрлаб бериб, танишлари орқали ўқишини Тошкент давлат иқтисодиёт университетига кўчириб беришни ваъда қилади.
Эвазига 2 900 АҚШ долларини фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик), 28, 211-моддаси (пора бериш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилаётгани маълум қилинди.
