Бироз аввал хабар берганимиздек, АОКАда бўлиб ўтган брифингда Адлия вазирлиги ахборот хизмати раҳбари Севара Ўринбоева аҳолидан келган саволларга жавоб берди. Шу қатори "Вакцина олмаган ходим ишдан четлатилади дейилди. Ишдан четлатиш ҳайдалиш деганими ёки?.." саволига ҳам жавоб бери ўтди.
Унга кўра, иш берувчи эмланмаган ходимни ишдан ҳайдамайди, ишдан четлатади. Ишдан четлатиш вақтинчалик ҳолат бўлиб, вазият изига тушгач, яъни четлатишга сабаб бўлган ҳолат бартараф этилгач ходим яна ишини давом эттираверади. Бироқ ишдан четлатиб турилган муддат учун ойлик маош тўланмайди.
