Ўзбекистонлик эркин курашчи Жавраил Шапиев бронза медали учун беллашди. Бу ҳақда Туризм ва спорт вазирлигининг Матбуот хизмати маълум қилди.
Токиода давом этаётган Олимпия ўйинларининг бугунги дастурини эркин курашчимиз Жавраил Шапиев юқори нотада якунлаб бериши мумкин эди. Aммо, спортчимиз -86 кг вазн тоифасида бронза медали учун кечган баҳсда имкониятни бой берди. У бу йўлда Россия Олимпия қўмитаси шарафини ҳимоя қилган Aртур Наифоновнинг қаршилигини енга олмади.
