Самарқандда ўтказилаётган «Жиноятчиликка қарши кураш» тезкор профилактик ойлиги доирасида кўп миқдорда «каннабис» ўсимлигини етиштираётган шахс аниқланди. Бу ҳақда Самарқанд вилояти ИИБ хабар қилди.
Олинган маълумотлардан маълум бўлишича, 2021 йил 7 август куни Жомбой тумани «Олмазор» маҳалласида яшовчи 1995 йилда туғилган Б.Э. нинг яшаш уйида тинтув тергов ҳаракатлари ўтказилади.
Тинтув давомида ушбу шахснинг томорқасидан 2160 туп «каннабис» гиёҳвандлик воситаларига ўхшаш ўсимликлар аниқланиб, ҳужжатлаштирилиб олинган.
Бундан ташқари, ушбу ҳовлидан 512 туп қуруқ ҳолдаги «каннабис» гиёҳвандлик воситалари, уйидаги овқат пишириш печи ичидан 100 грамм «каннабис» гиёҳвандлик воситасининг уруғи сақланаётганлиги аниқланиб, далилий ашё сифатида ҳужжатлаштириб олинади..
