Ҳозирда Ўзбекистонда олий ўқув юртларига имтихон топшириш жараёнлари бўлиб ўтмоқда.
Бошқа вилоятлардаги сингари Қашқадарёда ҳам бу жараён қизғин давом этмоқда.
Пандемия шароитида ёшларни инфекциядан асраш учун уларга бир марталик тиббий ниқоб ва бош кийимлар берилмоқда. Албатта, тест синовларини топширишда билимига, ўзига ишонган ёшлар ҳеч қандай муаммосиз саволларни ечмоқда. Бироқ айрим “билимдон” ёшлар маълум манфаат эвазига бировнинг ўрнига тест синовларини топширишга уринганлар учраб турибти.
Зийрак осойишталик посбонларининг саъй-ҳаракати билан бу тоифа шахслар тўхтатиб қолинган.
Қашқадарё ИИБнинг хабар беришича, тест синовлари бошланганидан то шу кунгача ўзганинг ўрнига кирган 14 та, уяли телефондан фойдаланган 17 та, яширинча овоз эшитиш мосламасидан фойдаланган 4 та ҳолат аниқланиб, ҳозирда аниқланган ҳолатлар юзасидан суриштирув ишлари олиб борилмоқда.
