Ромитан туманидаги 33-умумтаълим мактаби битирувчиси Бахтиёр Карвонов олий таълимга кириш учун ўтказилган тест синовларида 70 та тест топшириқларининг барчасини тўғри бажариб, 189 баллни қўлга киритди ва Президент грантини олишга номзод абитуриентлар қаторидан жой олди. Бухоро вилояти Халқ таълими бошқармаси бу ҳақда маъум қилди.
Ёш иқтидор эгаси 2020-2021-ўқув йилида фан олимпиадасининг Республика босқичида муваффақиятли иштирок этиб, совриндорлар сафидан ўрин олган .
Шунингдек, Ромитан ХТБ томонидан ўтказилган «Иқтидорли ўқувчилар» танловида олий ўринни қўлга киритиб, туман ҳокими стипендиясига сазовор бўлган.
"Мустақил ҳаёт сари муваффаққиятли одим ташлаётган Бахтиёрга омад тилаймиз!", дейилади хабарда.
