Президентимизнинг 2020 йил 22 сентябрдаги “Ўзбекистон Республикасида идентификация ID-карталарни жорий этиш чора-тадбирлари тўғрисида”ги Фармонига асосан Ўзбекистон Республикаси фуқаросининг биометрик паспорти ва доимий яшовчи чет эл фуқаролари ва фуқаролиги бўлмаган шахсларнинг яшаш гувохномалари ўрнига 2021 йил 1 январдан бошлаб, идентификация ID-карталарни расмийлаштириш ва бериш тизимини жорий этилди.
Фуқароларимизга қулайлик яратиш мақсадида фармон талабларига мувофиқ, маълумотларни йиғиш пункти мавжуд бўлмаган Фарғонанинг эксклав ҳудудлари, Фарғона туманининг Шоҳимардон қишлоғи, Риштон туманининг Чўнғара қишлоқларида яшовчи ҳамда вилоят ҳудидаги Миграция ва фуқароликни расмийлаштириш бошқармасига келиш имониятига эга бўлмаган, касал, ногирон, ёши катта имконияти чекланган фуқаролар учун яшаш жойига бориб идентификация ID-карта расмийлаштириш учун мўлжалланган кўчма аппарат (планшет) олиб келинган. Бу ҳақда вилоят ИИБ хабар берди.
Идентификация ID-карта расмийлаштириш учун мўлжалланган планшет кунига 200-250 нафар фуқароларга электрон талабнома шакллантириш имкониятига эга.
Юқоридаги тоифага кирувчи фуқаролар Фарғона вилояти ИИБ Миграция ва фуқароликни расмийлаштириш бошқармасига 97-214-71-00, 73-244-19-88 телефон рақамлари орқали мурожаат қилишлари сўралмоқда.
