Лондоннинг «Челси» клуби «Интер» ҳужумчиси Ромелу Лукаку жамоага қайтганини эълон қилди.
«Уйга хуш келибсан, Ромелу Лукаку!» — дейилади «Челси» клубининг твиттердаги саҳифасида.
28 ёшли бельгиялик ҳужумчи «Челси» билан 2026 йилга қадар шартнома имзолади.
Аввалроқ, Лукакунинг Италиядан Англия чемпионатига трансфер қилиниши «Челси»га 115 миллион еврога тушиши ҳақида хабар берилганди. Ҳужумчининг йиллик маоши эса 12 миллион еврони ташкил этади.
Эслатиб ўтамиз, Лукаку 2011-2014 йиллар давомида ҳуқуқий жиҳатдан «Челси» ўйинчиси саналса-да, бошқа клубларда ижарага берилган. 2019 йилда «МЮ»дан 75 миллион евро эвазига «Интер»га ўтган Лукаку якунланган мавсумда «Интер» билан скудеттони қўлга киритганди.
