Маълумотларга кўра, сўнгги йиллардаги энг хавфли фаоллик марказларидан бирини Solar Orbiter космик аппарати қайд этган.
Олимлар таъкидлашича, бу ҳолат ҳажми ва Қуёш дискидаги жойлашуви бўйича 2024 йил май ойида кузатилган 3664-рақамли фаоллик соҳасига ўхшайди. Ўшанда юз берган кучли чақнашлар сўнгги 20 йилдаги энг кучли магнит бўронини келтириб чиқарган эди.
Мутахассислар фикрича, тарихдаги энг кучли қуёш чақнашлари айнан йирик фаоллик соҳаларида содир бўлган.
Қайд этилишича, тахминан бир ҳафтадан кейин ушбу доғлар Ердан кўрина бошлайди. Яна бир ҳафтадан сўнг эса улар Ерга нисбатан энг хавфли нуқтага — тўғридан тўғри рўпара ҳолатга келиши мумкин.
Шу билан бирга, олимлар икки ҳафта ичида Қуёшдаги фаоллик кескин ўзгариши ёки доғлар бутунлай йўқолиб кетиши ҳам эҳтимолдан холи эмаслигини билдирмоқда.
