"Толибон" Афғонистон шимолидаги йирик шаҳар Мозори Шарифни эгаллагач, афғон фуқароларининг "Термиз-Ҳайратон" кўпригининг Афғонистон қисмида тўпланиб қолгани ҳақида ижтимоий тармоқларда турли фикрлар тарқалмоқда.
Айни пайтда кўприкнинг Афғонистон тарафига тўпланган қўшни давлат фуқаролари олиб борилган дипломатик сиёсат ва тушунтириш ишлари натижасида кўприк ва унга туташ ҳудуддан чекинган.
Афғонистонда юзага келган бу вазиятда мамлакатимизнинг Давлат чегарасини қўриқлаш ва ҳимоя қилиш кучайтирилган тартибда олиб борилмоқда. Барча зарур хавфсизлик чоралари кўрилган.
