17-июль куни, Янгиқўрғон туманида яшовчи, 1982-йилда туғилган фуқаро ариза билан мурожаат қилиб, 2019-йил июл ойида, Наманган шаҳрида яшовчи, 1990-йилда туғилган аёл уни ишончига кириб, унинг номига Наманган шаҳридаги банкдан микроқарз сифатида 10.000.000 сўм кредит маблағини чиқариб, ушбу пулларни ўзининг шахсий эҳтиёжлари учун ишлатиб юборганлигини маълум қилиб, чора кўришни сўраган. Бу ҳақда Наманган вилояти ИИБ Aхборот хизмати маълум қилди.
Бундан ташқари, аёл 2019-йил июл ойида, Янгиқўрғон туманида яшовчи, 1969-йилда туғилган аёлнинг номига банкдан микроқарз сифатида 10.000.000 сўм кредит чиқариб, ушбу пулларни ўзининг шахсий эҳтиёжи учун ишлатиб юборганлиги аниқланган.
Ушбу ҳолат бўйича Янгиқўрғон туман ИИБ ҳузуридаги ТБ томонидан 2021-йил 15-август куни Жиноят кодексининг 168-моддаси 3-қисми билан жиноят иши қўзғатилган.
