Бош прокуратура ҳузуридаги Департамент ҳамда ИИБнинг Олмалиқ шаҳар бўлимлари томонидан тезкор тадбир ўтказилди.
Унда, фуқаро П.П. дори воситаларини ноқонуний муомалага киритиш орқали даромад орттиришни кўзлаб, 5 000 дона “Реасарбилакт”, 4 500 дона “Тевартем” номли дори воситаларини жами 13 200 АҚШ долларига сотган вақтида ушланиб, дори воситаларини олиб келган автотранспорт воситаси юкхонаси кўздан кечирилганда, тегишли ҳужжатлари бўлмаган яна 5 000 дона “Реасарбилакт” ва 3 000 дона “Тевартем” дори воситалари мавжудлиги аниқланиб, ашёвий далил сифатида олинган.
Мазкур ҳолат юзасидан Жиноят кодексининг 186-3-моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
