Қўнғирот туманида бир нечта фуқаролар ўртасида жанжал содир бўлди. Бу ҳақда Қорақалпоғистон Республикаси ИИВ Aхборот хизмати бошлиғи Дауран Елмуратов Zamon.uz га маълумот берди.
Жорий йилнинг 16 август куни соат 17:50 ларда Қўнғирот туманидаги “Океан” кафеси олдида бир нечта фуқароларнинг ўзаро жанжаллашган ҳолати юзасидан, Қўнғирот тумани ИИБ ҳузуридаги тергов гуруҳи томонидан Ўзбекистон Республикаси Жиноят Кодексининг 277-моддаси 2-қисми “Б” банди билан жиноят иши қўзғатилиб, ҳозирда дастлабки тергов ҳаракатларига киришилган.
Дастлабки тергов ҳаракатлари давомида, жанжалда иштирок этган ҳар бир шахснинг ҳаракатларига қонуний баҳо берилиши таъминланади.
