Aнжелина Жоли энди Instagram-да! Кеча, 20 август куни Америкалик актриса, Бирлашган Миллатлар Ташкилотининг Қочқинлар ишлари бўйича махсус вакили Анжелина Жоли Афғонистондаги ҳозирги вазиятни ҳисобга олиб, бунга ўз позицияси билдириш мақсадида Instagram ижтимоий тармоғидан рўйхатдан ўтди.
46 ёшли актрисанинг саҳифасига бир неча соат ичида 4 миллиондан ортиқ одам обуна бўлган. Актриса @angelinajolie тахаллуси билан рўйхатдан ўтган. Жоли You-Tube -даги шахсий каналини яратганидан икки йил ўтгач, бу қадамни қўйишга қарор қилди.
Кўп болали она, хайриячи, жамоат арбоби ва БМТнинг элчиси (2001 йилдан) биринчи постини 15 августда Толибон ҳаракатига атаб ёзилган афғонистонлик ўсмир қизнинг хатига бағишлади. У қўлда ёзилган мактубининг фотосуратини жойлаштирди, унда қиз шу кунларда унинг ҳаёти қандай ўзгарганини айтиб берган ва ёрдам сўраган.
Энди Aфғонистон халқи ижтимоий тармоқларда мулоқот қилиш ва ўз фикрини эркин ифода этиш имкониятидан маҳрум. Мен Инстаграмга қўшилдим, уларнинг ҳикоялари ва бутун дунёда инсон ҳуқуқлари учун курашаётганларнинг овозлари билан бўлишиш учун, - Aнжелина ўз мактубини шу сўзлар билан тўлдирган.
Эслатиб ўтамиз, Жолининг жамоат иши узоқ вақтдан бери муҳожирлар муаммоси билан чамбарчас боғлиқ эди: у Яқин Шарқ, Жанубий Aмерика ва Aфрика мамлакатларидаги ишларнинг ҳақиқий аҳволидан хабардор. Aктриса Бангладеш, Туркия, Перу, Малта, Ливан, Иордания, Сурия ва бошқа мамлакатлардаги қочқинлар лагерларига кўп саёҳат қилган. Июнь ойида у Венесуеладан келган қочқинлар лагерига ташриф буюрди ва апрель ойида у дунёдаги тинчликпарварлик операцияларига бағишланган Бутунжаҳон ташкилотининг Бош ассамблеясининг йиғилишида иштирок этди. Шунингдек, 2018 йил июнь ойида Aнжелина БМТнинг яхши ният элчиси сифатида ҳарбий ҳаракатлар пайтида зарар кўрган Ироқнинг Мосул шаҳрига ташриф буюрди.
Бунгача Анжелина Жолининг Instagram профили йўқ эди.
Рисолат МАХСИМОВА тайёрлади
