Ижтимоий тармоқларда “Синглимнинг жасади 10 кундан бери сувда ётибди” – Хоразмда фотиҳаси бузилган қиз ўзини каналга ташлади” сарлавҳаси остида эълон қилинган маълумот бўйича Фавқулотда вазиятлар вазирлиги расмий муносабат берди.
Фуқаронинг сувга чўкканлиги ҳақидаги хабар келиб тушган вақтдан бошлаб, Фавқулодда вазиятлар вазирлигининг Хоразм вилояти бошқармаси қидирув-қутқарув гуруҳи томонидан “Тошсоқа” чап қирғоқ каналида сувда қидирув ишлари олиб борилмоқда. Канал оқими бўйлаб, Тупроққалъа, Хазорасп, Боғот, Хонқа туманлари, Урганч шаҳар ва тумани Фавқулодда вазиятлар бўлимларидан масъул ходимлар қидирув ишларига сафарбар этилган.
Шунингдек, қидирув-қутқарув жараёнига барча алоқадор хизматлар ҳам жалб қилинган бўлиб, мавжуд имкониятлардан тўлиқ фойдаланилмоқда.
