2021 йилнинг 25 август куни Ўзбекистон Республикаси Ташқи ишлар вазири Aбдулазиз Камилов мамлакатимизга амалий ташриф билан келган Покистон Ислом Республикаси Ташқи ишлар вазири Шоҳ Маҳмуд Қурайший билан учрашув ўтказди.
Музокаралар чоғида кўп қиррали Ўзбекистон-Покистон стратегик шериклик муносабатларининг ҳозирги ҳолати ва ривожланиш истиқболлари муҳокама қилинди.
Музокаралар давомида олий даражадаги музокараларда эришилган келишувларни ўз вақтида ва сифатли бажариш муҳимлиги бўйича умумий фикр билдирилди.
Минтақавий масалаларга, жумладан, Aфғонистондаги вазиятга алоҳида эътибор қаратилади. Бу мамлакатда зиддиятларнинг кучайишининг олдини олиш ва миллий келишувга эришиш учун ёрдам кўрсатиш бўйича саъй-ҳаракатларни бирлаштириш муҳимлиги қайд этилди.
Қўшма инфратузилма ва инвестиция лойиҳаларини амалга ошириш юзасидан фикр алмашилди.
Турли даражадаги бўлажак алоқаларнинг жадвали ва ташкилий жиҳатлари кўриб чиқилди.
