Кинематография агентлиги томонидан бу йилги Японияда ўтказилиши режалаштирилган “DigiCon6 Asia-2021” қисқа метражли фильмлар фестивали учун саралаш босқичи ўтказилди, дея хабар берди агентлик матбуот котиби.
Маълум бўлишича, кинофестиваль учун ёш режиссёрлар Шокир Холиқовнинг “Қиз ва булут”, Феруз Баҳодировнинг “Уй”, Аббос Хуррамовнинг “Handkenchief” ва Иван Харитоновнинг “Гречка” фильмлари танлаб олинди.
Юқорида номлари саналган фильмлар жорий йилнинг ноябрь ойида Токио шаҳрида бўлиб ўтадиган “DigiCon6 Asia-2021” кинофестивалида иштирок этади, дейилади хабарда.
